Kanadanyň Monreal şäherinde geçirilen “Rojers Masters” kubogynda erkekleriň arasynda germaniýaly Aleksander Zwerew çempion boldy. 20 ýaşyndaky tennisçi 68 minutlap dowam eden finalda özünden 16 ýaş uly Rojer Federerden 6:3 we 6:4 hasaplar bilen üstün çykmagy başardy.
Bu onuň karýerasynda 6-njy çempionlygy bolup, ol şu ýylyň dowamynda “Rim Masters” ýaryşynda-da ýeňiş gazanypdy.Asly rus bolan Zwerew ýarym finalda 18 ýaşyndaky kanadaly Denis Şapowalowdan üstün çykdy. Şapowalow bolsa, 3-nji tapgyrda Rafael Nadaly ýeňip, hemmäniň ünsüni özüne çekipdi. Şunlukda, Zwerew 2007-nji ýyldan bäri öňdäki 4 tennisçi Nadal, Jokowiç, Federer we Mýurreý dagyny hasaba almanyňda, bir möwsümde 2 “Masters” ýaryşynda ýeňiş gazanan ilkinji raketkaçy boldy.
Soňky sapar şeýle başarnygy öňdäki 4 tennisçiden başga argentinaly Dawid Nalbandian görkezipdi.“Rojers” kubogynyň Toronto şäherinde geçirilen zenanlaryň arasyndaky ýaryşynda ukrainaly Elina Switolina ýeňiş gazandy. 22 ýaşly tennisçi finalda daniýaly Karolina Wozniaskini 2:0 (6:4, 6:0) hasabynda ýeňlişe sezewar etdi.
Switolina 9-njy WTA çempionlygyny gazanyp, olam soňky sapar Zwerew ýaly “Rim Mastersde” kubogy asmana göteripdi.Ol şu ýyl “Dubaý Açykda-da” ýeňiş gazanypdy.