Marynyň daşary ýurtlaryň öňdebaryjy kompaniýalarynyň ýokary tehnologiýaly enjamlary bilen üpjün edilen “Röwşen” aýakgap fabriginde erkek adamlaryň aýakgaplarynyň täze ýigrimi görnüşi önümçilige ornaşdyryldy. Önümleriň ählisi arassa gönden tikilýär.
Alyjylaryň isleglerine we ýörgünliligne laýyklykda önümleriň görnüşleriniň yzygiderli täzelenip durulmagy, hiliniň ýokarylygy olara ýurduň içinde öňe saýlanamaga we daşary ýurtly alyjylary özüne çekmäge mümkinçilik berdi. Hususan-da, oňa Eýranyň we Owganystanyň kompaniýalary gyzyklanma bildirýärler.
Mary welaýatynda maldarçylyk hojalyklary we derileri hususy iberijiler bilen ýakyn gatnaşyklary ýola goýan “Maksat Deri” APJ aýakgap tikmek üçin ýokary hilli gön iberýär. Fabrikde köpçülikleýin önümçilikden başga-da, şahsy tabşyryklar boýunça-da aýakgaplar taýýarlanylýar. Kärhanada ýakyn wagtda aýakgaplaryň nusgalaryny we reňklerini artdyrmak göz öňünde tutulýar.