Şu gün Rio-de-Žaneýroda G20 ýurtlarynyň liderleriniň sammitine badalga berildi.Bu forumyň mowzugy “Adalatly dünýä we durnukly planetany gurmak” diýlip atlandyryldy. 18-19-njy noýabrda guraljak G20 sammiti 19 ýurduň we Ýewropa Bileleşiginiň ýolbaşçylarynyň gatnaşmagynda geçirilýär.
Sammitiň dowamynda dünýä ykdysadyýetiniň we syýasatynyň möhüm meseleleri ara alnyp maslahatlaşylar.Braziliýa şu ýyl G20 sammitiniň başlygy hökmünde sosial inklýuziwligi, halkara guramalarynyň işiniň özgerdilmegi we energiýa geçişi ýaly üç esasy ugry ileri tutýandygy mälim etdi.
Liderler sammitiň birinji gününde sosial integrasiýa arkaly açlyga we garyplyga garşy global bileleşigiň döredilmeginiň möhümdigi barada pikir alşarlar.Bu 2030-njy ýyla çenli sosial ýagdaýlara garşy göreşi tizleşdirmek üçin ýurtlaryň we halkara guramalaryň çynlakaý goşandyny aňladýar.
Mundan başga-da, dünýä Liderleri BMG, HPG we BSG ýaly guramalaryň işlerini has netijeli we adalatly ýola goýmak maksady bilen olary özgertmegiň meselelerini ara alyp maslahatlaşarlar.Sammitiň ikinji güni durnukly ösüş we energiýa geçiş meselelerine bagyşlanar.
G20 ýurtlarynyň paýyna kömürturşy gazynyň galyndylarynyň köp bölegi düşýär, şonuň üçin Braziliýa ýaşyl tehnologiýalara we energiýa geçişi has-da ileri tutýar.Sammite gatnaşyjylar ikitaraplaýyn duşuşyklary hem geçirerler.Maslahatyň ahyrynda Braziliýa G20-iň başlyklygyny Günorta Afrika geçirer.
Uly ýigrimiligiň düzümine Awstraliýa, Argentina, Braziliýa, Beýik Britaniýa, Germaniýa, Hindistan, Indoneziýa, Italiýa, Kanada, Hytaý, Meksika, Russiýa, Saud Arabystany, ABŞ, Türkiýe, Fransiýa, Günorta Koreýa, Günorta Afrika Respublikasy, Ýaponiýa we Ýewropa Bileleşigi ýaly ykdysadyýeti has ösen we ösýän ýurtlar girýär.
G20 topary dünýäniň jemi içerki önüminiň 85 göterimini, dünýä söwdasynyň 75 göterimini, şeýle hem dünýä ilatynyň üçden iki bölegini emele getirýär. 1999-njy ýylda esaslandyrylan bu Halkara guramasynyň mejlisinde, esasan, halkara maliýe ulgamyndaky hyzmatdaşlygyň möhüm meseleleri ara alnyp maslahatlaşylýar. /* custom css */ .td_uid_15_673b2e8127e7c_rand.td-a-rec-img { text-align: left; } .td_uid_15_673b2e8127e7c_rand.td-a-rec-img img { margin: 0 auto 0 0; }