Pepe Reýna karýerasynyň 17 ýylyny başga klublarda geçirensoň, ýene-de Wilýarreala gaýdyp geldi. Bu barada klubyň resmi saýty habar berdi.
39 ýaşly ispaniýaly derwezeçi Wilýarreal bilen bir ýyllyk şertnama baglaşdy. Tejribeli derwezeçiniň tanyşdyrylyş dabarasy 11-nji iýulda bolar. Reýna 2003-nji we 2004-nji ýyllarda Wilýarrealyň düzüminde Intertoto kubogyna mynasyp bolupdy.
Wilýarrealdan soň ol Liwerpul, Aston Willa, Bawariýa, Milan, Napoli we Lasio toparlarynyň derwezelerini gorady. Ol karýerasynda jemi 874 duşuşyga gatnaşdy.
Milli ýygyndyda 38 gezek derwezäni goramak ynanylan derwezeçi 2010-njy ýylda dünýäniň, 2008-nji we 2012-nji ýyllarda Ýewropanyň çempiony boldy.