ABŞ-nyň Respublikan partiýasynyň gurultaýynyň wekilleri 5-nji noýabrda geçiriljek Prezident saýlawlarynda Donald Trampyň ABŞ-nyň Prezidentligine dalaşgär bolmagy üçin ses berdiler. Syýasatçy Wiskonsin ştatynyň Miluoki şäherinde guralan gurultaýda Respublikan partiýanyň wekilleriniň köpüsi tarapyndan ýeterlik goldaw aldy.
Geçen aýyň başynda tamamlanan partiýanyň içindäki saýlawlarynyň netijelerinden soň, Tramp esasy bäsdeşleri ABŞ-nyň BMG-däki öňki hemişelik wekili Nikki Heýliden, Kaliforniýanyň gubernatory Ron Desantisden we telekeçi Wiwek Ramaswamydan öňe geçip, Respublikan partiýanyň dalaşgäri boldy.
Golaýda Donald Tramp Ogaýo ştatyndan respublikan senator Jeýms Dewid Wansy ABŞ-nyň wise-prezidentligine dalaşgär hökmünde hödürleýändigini mälim etdi. Wans 2023-nji ýylyň ýanwaryndan bäri senator bolup işleýär we Trampyň ýakyn egindeşleriniň biridir. Respublikan partiýanyň gurultaýy 18-nji iýula çenli dowam eder.