Türkiýe Respublikasynyň döredilen gününiň 101 ýyllygy ýurduň çar tarapynda dabaraly ýagdaýda bellenilip geçilýär.
29-njy oktýabr Respublika baýramyna bagyşlanyp paýtagt Ankaranyň we Stambul şäheriniň başda durmagynda ýurduň çar tarapynda dürli çäreler geçirilýär.
Prezident Erdogan Respublika baýramynda ir ertir döwlet ýolbaşçylary bilen Türkiýe Respublikasynyň esaslandyryjysy Beýik Baştutan Mustafa Kemal Atatürkiň aramgähine bardy.
Prezident Erdoganyň aý-ýyldyzly gül desselerini Atatürkiň aramgähine goýmagyndan soň hormatly dymyşlyk edildi we döwlet senasy ýerine ýetirildi.
Prezident Erdogan aramgähiň ýörite depderine “Eziz Atatürk, şu gün bize goýan amanadyňyzyň, halkymyzyň esasy eseri we şol bir wagtda buýsanç çeşmesi bolan Respublikamyzyň 101 ýaşyny dabaraly ýagdaýda belläp geçýändigimiz üçin buýsanýarys.
Bu buýsançy günümizde, ýurdumyzda we dünýäniň çar tarapynda ýaşaýan raýatlarymyzyň, bize uly goldaw berýän ähli kowumdaşlarymyzyň 29-njy oktýabr Respublika baýramyny gutlaýaryn. Pursatdan peýdalanyp sizi Alihezretleriňizi, egindeşleriňizi we eziz şehitlerimizi ýene-de bir gezek uly hormat bilen hatyralaýaryn.
Sebitimizde serhetleriň bir asyr ozal bolşy ýaly gan we gözýaşy bilen kesgitlenmek islenýän döwründe watanymyzyň gelejegini we halkymyzyň howpsuzlygyny goramak üçin degişli çäreleri görýäris.
Milli göreşiň, Rspublikanyň yglan edilmegini ýola goýan jebislik, arkalaşyk we doganlyk ruhy bu etapda bize ýolbelentlik etmäge dowam edýär.
Türkiýe Respublikasy eşretli gelejegi üçin aýgytly ädimler bilen öňe barýar. Ruhyň şat bolsun”diýip ýazdy.
Prezident Erdogan soň bolsa Prezidentiň Kompleksinde 29-njy oktýabr Respublika baýramy mynasibetli gutlaglary kabul eder.
Prezident R. T. Erdogan, Türk awiasiýa we kosmos senagaty firmasy TUSAŞ-da Gökbeý dikuçarlarynyň gowşurlyş dabarasyna gatnaşar.
Prezident Erdogan agşamara bolsa Prezidentiň Kompleksinde Respublikasyna baýramyna bagyşlanyp ýörite banket berer.