Luçano Spaletti Italiýanyň milli ýygyndysynyň baş tälimçiligine bellenildi. 64 ýaşly hünärmen 1-nji sentýabrdan bu wezipä girişer. Bu barada Italiýanyň Futbol Federasiýasy habar berdi.
Italiýanyň sport neşirleriniň ýazmagyna görä, Luçano Spaletti Italiýanyň Futbol Federasiýasy bilen 2026-ýylyň ahyryna çenli niýetlenilen şertnama gol çekişipdir. Tälimçiniň ýyllyk zähmet haky barada heniz maglumat ýok.
Ýeri gelende bellesek, Luçano Spaletti geçen möwsümde Napolini A seriýanyň çempiony etmegi başaryp, Italiýada ýylyň iň gowy tälimçisi diýen ada mynasyp boldy.
Maglumat üçin, Italiýanyň milli ýygyndysynyň ozalky tälimçisi Roberto Mançini 13-nji awgustda öz islegi bilen işden gidýändigini mälim edipdi.