J.K.Rowlingiň gol çeken Garri Potter we pelsepe daşy kitabynyň ilkinji neşiriniň bir nusgasy 220 müň 800 funt sterlinge satyldy.Iki uýa mundan 25 ýyl ozal awtoryň goly bolan kitaby sowgat alypdyrlar.
Bu kitabyň ilkinji neşiri 500 nusgalykda çap edilipdir.Rowling bu kitaby uzakda ýaşaýan garyndaşlaryna ibermek üçin Edinburgdaky goňşusyna berýär.Kitaba Jenniýe we Lýusiýe, iň gowy arzuwlarym bilen!
JK Rowling diýlip ýazylýar. Ýadygärlik ýazgysynyň ýokarsynda 16-njy sentýabr 1997-nji ýyl senesi ýazylypdyr.Uýalar kitaby 25 ýyllap aýawly saklapdyrlar.Kitap Bonhams auksion öýi tarapyndan satuwa çykaryldy.
Uýalar gol çekilen kitaby aýawly saklamak üçin onuň başga bir nusgasyny satyn alyp okapdyrlar.
Dünýäniň iň köp satylan kitaplarynyň arasyna giren bu eseriň ilkinji neşiri örän az çap edilipdi.Ilkinji 500 nusgalygyň 300 sanysy kitaphanalara we mekdeplere iberildi, galan 200 nusgasy belli adamlara gowşuryldy. Şol sebäpli bu eseriň awtoryň goly bolan ilkinji nusgasy aýratyn ähmiýete eýe.
Mundan ozal hem ilkinji neşiriň käbir nusgalary rekord bahadan satylypdy. 2020-nji ýylyň iýunynda Edinburgda auksiona çykarylan nusgasy 125 müň funt sterlinge satylypdy.Geçen ýylyň dekabrynda bolsa, şeýle kitaplaryň birine ABŞ-nyň Dallas şäherinde 356 müň funt sterling baha kesilipdi.Garri Potter we pelsepe daşy kitabyndan häzire çenli dünýäde 120 million nusgalygy satyldy.