FIFA klublar Dünýä Kubogynda UEFA-nyň wekili “Real Madrid” yzly-yzyna 2-nji çempionlygyny gazandy.Ispan topary BAE-de geçirilen ýaryşyň finalynda Günorta Amerikanyň wekili, Libertadores kubogynyň eýesi “Gremio” bilen duşuşdy.
Abu Dabidäki Şeýh Zaýediň adyny göterýän stadiondaky duşuşyga 41094 janköýer tomaşa etdi.Oýunda meksikaly Sezar Arturo Ramos jürlewük çaldy.Duşuşygyň birinji ýarymynda taraplar eden hüjümlerinden netije alyp bilmedi.
Ikinji ýaryma 2 klubam erjel başlady.Oýnuň 53-nji minutynda brazil toparynyň derwezesiniň alkymynda Ronaldonyň garşysyna gödeklige ýol berildi.Olam jerime meýdançasynyň daşynda bellenen jerime urgusyny dürs ýerine ýetirip, hasaby açdy.
Bu gol oýnuň ykbalyny kesgitlän ýeke-täk gol boldy. Şeýlelikde, 10 hasabynda ýeňiş gazanan “Real Madrid” bu kubogy yzly-yzyna gazanan ilkinji topar diýen ady eýeledi. “Real Madrid” bu kubogy umumylykda 3-nji ýola gazanyp, ezeli bäsdeşi “Barselona” bilen deňleşdi.Baýrakly 3-nji ýer ugrundaky oýunda Meksikanyň “Paçuka” topary ýer eýesi “Al-Jazirany” 41 hasabynda ýeňlişe sezewar etdi. “Paçuka” ýarym finalda “Gremiodan” goşmaça wagtda 10 hasabynda asgyn gelipdi. “Al-Jazirany” welin, “Real Madrid” Ronaldo we Beýliň gollary bilen 21 hasabynda ýeňipdi.Çempionatyň iň ökde oýunçysy diýlip, Luka Modriç saýlandy. Ýagny “Altyn top” baýragyna Modriç, “Kümüş topa” Ronaldo, “Bürünç top” sylagyna-da “Paçukadan” Jonatan Urretawiskaýa laýyk görüldi. Şeýle-de portugaliýaly ýyldyz Ronaldonyň şu ýaryşdaky gollarynyň sany 7-ä ýetip, ol bu babatda öňde barýar.Bu gazanylan ýeňiş “Realyň” şu ýylky 5-nji çempionlygy bolup, şa kluby mundan başga-da “La Ligada”, Çempionlar ligasynda, UEFA Super kubogynda, Ispaniýa Super kubogynda kubogy eýeläpdi.
Olar Ispaniýanyň kubogy ýaryşynda-da düzgüni bozany üçin bäsleşikden çykarylypdy.Bir topar bir möwsümde iň köp 6 kubok gazanyp bilýär.Ony-da 2009-njy ýylda “Barselona” başarypdy.Ýaryş ilkinji gezek 2000-nji ýylda geçirildi. 2005-nji ýyldan bäri-de yzygiderlikde geçirilip gelinýän bäsleşige her yklymyň iň uly kubogyny gazanan klublar bilen bir hatarda, guraýjy ýurduň bir topary ýer eýesi hökmünde gatnaşýar.
FIFA-nyň garamagyndaky ýaryşyň ilkinji 3 kubogyny brazil toparlary eýeledi. 2013-nji ýyldan bäri-de Ýewropanyň klublaryna taý tapylanok.Umuman, 14 ýaryşda ýewropalylar 10,brazillerem 4çempionlyk gazandy. Ýeňijä 5, finalça 4 million dollar pul baýragy berilýär.