Madridiň Realy tomusky transfer döwründe täze hüjümçileri almak pikirinden el çekdi. Bu barada COPE habar berýär.
Çeşmäniň maglumatlaryna görä, patyşalyk klubundan hüjümçiler Luki Ýowiçiň we Mariano Diasyň gidäýen ýagdaýynda-da, olaryň ornuny Borha Maýoral tutar.Ol Realyň düzümine kärendesinden dolanyp geler we möwsümiň öň ýanyndaky oýunlarda Karim Benzema, Winisius, Rodrigu hem-de Marko Asensio ýaly beýleki hüjümçiler bilen bile çykyş eder.
Real Çempionlar ligasynyň 2021/2022 möwsüminde ýeňiji boldy.Finalda Madridiň kluby Liwerpuly 1:0 hasabynda ýeňlişe sezewar etdi.Geçirilen ýeke-täk pökgini Winisus Žunior öz adyna ýazdyrmagy başardy.
Mundan başga-da, Madridiň topary Ispaniýanyň çempionatynda ynamly ýeňiş gazandy.Karlo Ançelottiniň şägirtleri 38 oýundan 86 utuk toplap, ikinji orunda barýan Barselonadan 13 bal ozdurdylar. Şeýle-de, Realyň hasabynda ýurduň Superkubogy hem bar.