UEFA Çempionlar ligasynda çärýek finalyň ilkinji 2 duşuşygynda ýer eýeleri ýeňiş gazandy.Kubogy iň köp eýelän “Real Madrid” öz meýdançasynda “Liwerpuly” kabul etdi.Esasan hem 2-nji ýarymy çekeleşikli geçen oýunda ýer eýeleri 3-1 hasabynda ýeňiş gazandy. “Reala” ýeňiş getiren gollary Winisius Junior (27, 65) bilen Marko Asensio (36) derwezä girizdi. “Liwerpulyň” ýeke-täk pökgüsini-de Mohamed Salah (51) öz adyna ýazdyrdy.
Salah 4-nji oýnunda “Realyň” derwezesinden ilkinji goluny geçirdi. Çempionlar ligasynda 28-nji goluny geçiren müsürli ýyldyz oýunçy bu ugurda Raýn Giggsi yzda galdyrdy. Ähli ýaryşlary hasaba alanyňda, 12 oýundan bäri ýeňilmän gelýän “Real Madrid” topary “Liwerpuly” yzly-yzyna 4-nji duşuşygynda-da ýeňlişe sezewar etdi.
Zinedin Zidan tälimçi hökmünde Çempionlar ligasyndaky 50-nji duşuşygyny 31-nji ýeňşini gazandy.
Jogap oýny 14-nji aprelde oýnalar.
The post “Real Madrid” ýarym finalyň bosagasynda appeared first on Zaman Türkmenistan.