UEFA Çempionlar ligasynyň 2017/18 möwsüminiň finalçylary belli boldy. 26-njy maýdaKiýewde oýnaljak finalda soňky 2 ýylyň çempiony, umumylykda-da 12 gezek gazanan “Real Madrid” bilen ýaryşda 5 sapar ýeňiji bolan “Liwerpul” toparlary duşuşar.
Germaniýadan ýeňiş (21) bilen dolanan “Real Madrid” öz meýdançasynda “Bawariýa” bilen 22 hasabynda deňme-deň oýnady. “Santiago Bernabeudaky” duşuşygyň eýýäm 3-nji minutynda Joşua Kimmih nemesleri öňe çykardy.
Bu gol olaryň ýarym finala bolan ynamyny has-da artdyrdy. Ýöne köp wagtdan bäri gol geçirip bilmeýän Karim Benzema 11-nji minutda hasaby deňledi.Bu 1-nji ýarymdaky soňky gol boldy (11).
Duşuşygyň 2-nji ýarymyna ýer eýeleri gol bilen başlady.Korentin Tolissonyň yza beren pasy derwezeçi Swen Ulreihi juda aljyraňňy ýagdaýa saldy.Ol topy ne urup bildi, ne-de saklap.
Pursatdan peýdalanan Karim Benzema tälimçisi Zidanyň özüne bildiren ynamyna ýene bir gol bilen jogap berdi.Bu goluň täsirinden halas bolan “Bawariýa” hüjüm baryny geçirip başlady. Şolaryň birinde, has takygy, 63-nji minutda “Real Madridiň” “Bawariýada” kärendesine oýnaýan futbolçysy Hames Rodriges hasaby deňledi.
Oýnuň soňky minutlarynda hüjümlerini has-da ýygjamlaşdyran “Bawariýa” toparyna 3-nji goly geçirmek başartmady. Şeýlelikde, “Bawariýa” bassyr 5-nji gezek (2013/14 möwsüminden bäri ispan toparlary tarapyndan ýaryşdan çykaryldy (4-si ýarym finalda).
Kubogy 3-nji gezek goramaga mümkinçilik alan “Real Madrid” 16-njy gezek finala çykmagy başardy. “Real Madrid” topary Çempionlar ligasynda (1992/93 möwsüminden bäri) yzly-yzyna 3-nji gezek finala çykan 3-nji topar boldy.
“Enfild Roadda” 52 hasabynda ýeňiş gazanan “Liwerpul” üçin jogap duşuşygynyň ýeňil geçmejekdigi bellidi. Çärýek finalda “Barselonany” ýaryşdan çykaran “Roma” şu möwsümde Çempionlar ligasynda öz meýdançasynda gol geçirtmän gelýärdi. Ýöne rimliler 8-nji minutda bu derejesini ýitirdi.
Radža Nainggolanyň ýalňyşlyk bilen topy “liwerpullylara” bermeginden soň, Firminonyň pasyny alan Sadio Mane hasaby açdy. 15-nji minutda Aleksandr-Arnold topy derwezäniň alkymyndan daşlaşdyrmakçy bolanda, top Jeýms Milneriň kellesine degip, tora girdi we hasap deňlendi. 25-nji minutda Georginio Wiýnaldum myhmanlary öňe çykardy. 2-nji ýarymyň 6-njy minutynda, has takygy, 52-nji minutda Edin Jeko hasaby deňlemegi başardy.
Bu onuň Çempionlar ligasyndaky bassyr 5-nji goludyr. 84-nji minutda Nainggolan uzak aralykdan owadan urgy bilen toparyny öňe saýlady.Onuň 90+4-nji minutda penaltiden geçiren goly “Romanyň” finala çykmagy üçin ýeterlik bolmady (42).
Umumy hasapda 76 ýeňiş gazanan “Liwerpul” 11 ýyldan soň, 8-nji gezek UEFA-nyň iň uly bäsleşiginde finala çykmagy başardy.