“Real Madrid” topary 13 gezek kubogy eýeläp, bu ugurda rekordyň eýesidir. Şa kluby 1956-njy, 1957-nji, 1958-nji, 1959-njy, 1960-njy, 1966-njy, 1998-nji, 2000-nji, 2002-nji, 2014-nji, 2016-njy, 2017-nji, 2018-nji ýyllarda kubogy eýeledi. 17-nji gezek finala çykan “Real Madrid” 1962-nji, 1964-nji, 1981-nji ýyllarda-da finalda utuldy. 10-nji gezek finala adyny ýazdyran “Liwerpul” şolaryň 6-synda kubogy asmana göterdi (1977, 1978, 1981, 1984, 2005, 2019).
Iňlis kluby edil “Real Madrid” ýaly 3 gezek hem finalda ýeňildi (1985, 2007, 2018).Ertirki finalda haýsy hem bolsa biri 4-nji gezek utular.
3-nji gezek finalda duşuşýan ilkinji toparlar
Iki topar 3-nji gezek finalda duşuşar. Ýaryşyň taryhynda ilkinji gezek iki topar finalda 3-nji gezek duşuşyk geçirer. 1981-nji ýylda Pariždäki “Park de Prens” stadionynda “Liwerpul” Alan Kennediniň 82-nji minutdaky goly bilen 1-0 ýeňipdi. 2018-nji ýyldaky final bolsa Kiýewde oýnalyp, “Real Madrid” 3-1 hasabynda ýeňşini baýram edipdi (Benzema 51, Beýl 63, 83 Mane 55).