Çempionlar ligasynyň çärýek final tapgyrynyň jogap duşuşygynda Londonyň Çelsi kluby myhmançylykda Madridiň Realyndan üstün çykdy, emma iki oýnuň jemleri boýunça ýarym finala çykyp bilmedi.
Bu klublaryň arasyndaky Londonda geçirilen birinji oýun Realyň peýdasyna 3:1 tamamlanypdy.Jogap oýny barada aýdylanda, onuň esasy wagtynda Çelsi 3:1 hasabynda ýeňmegi başardy.London klubundan Meýson Maunt (15-nji minut), Antonio Rýudiger (51) we Timo Werner (75) tapawutlandy. Ýer eýelerinden Rodrigo (80) gol geçirdi.
Goşmaça wagtda Karim Benzema (96) Realy ýarym finala çykaran goly geçirdi.Umumy hasap — 5:4 boldy.Belläp geçsek, Real Çempionlar ligasynyň 13 gezek ýeňijisi boldy. Ýarym finalda Real Mançester Siti — Atletiko jübütiniň ýeňijisi bilen duşuşar. Çelsi Çempionlar ligasynyň ýeňijisiniň adyny gorap bilmedi.