Formula-1-iň “Williams” toparynyň britaniýaly sürüjisi Jorj Rassell indiki möwsümden “Mersedes” üçin çykyş edip başlar. Bu barada nemes toparynyň saýtynda habar berilýär diýip, sportrbc.ru belleýär.
Onuň topardaşy ýedi gezek dünýä çempiony britaniýaly Lýuis Hemilton bolar. Mundan öň Hemiltonyň häzirki ýoldaşy, 2017-nji ýyldan bäri “Mersedesde” çykyş edýän finlýandiýaly Waltteri Bottasyň karýerasyny “Alfa Romeoda” dowam etdirjekdigi habar berildi.
Rassell Formula-1-de 2019-njy ýylda “Williamsyň” düzüminde ilkinji gezek çykyş etdi. 23 ýaşly sürüji 51 ýaryşa gatnaşdy, onuň görkezen iň gowy netijesi 2021-nji ýylda Belgiýanyň Gran-prisinde ikinji orny eýelemegi boldy. 2020-möwsüminde ol Bahreýndäki tapgyrda “Mersedesde” koronawirus bilen kesellän Hemiltonyň ornuny çalşyrdy, şonda ol dokuzynjy orny eýeledi.