Ispaniýanyň “La Ligasynda” 2 oýunda 4 utuk ýitiren “Barselona” öz meýdançasynda “Walýadolidi” Messiniň penalti goly bilen ýeňdi.Edil şonuň ýaly hasap bilen “Atletiko” hem myhmançylykda “Raýo Wallekanony” utup, täzeden 2-nji orna çykdy.
Madridiň beýleki topary “Real” öz meýdançasynda “Žironadan” 21 asgyn geldi.Kasemironyň goly bilen öňe saýlanan madridliler Stuani we Portugesiň gollaryna alaç tapyp bilmedi.Duşuşykda gyzyl kart alan toparyň kapitany Serhio Ramos özboluşly rekord goýdy.
Onuň “La Ligada” alan gyzyl kartlarynyň sany 20-ä ýetdi we bu ugurdaky öz antirekordyny ösdürdi.Tejribeli ýyldyz oýunçy sary kart almakda-da “La Ligada” bilen öňdeligi eýeleýär (159 sary kart).