Eýranyň prezidenti, Kuweýtiň sebitdäki dildüwşüklere garşy pozisiýasyny öwgä laýyk bilip, geçmişde Eýran bilen Kuweýtiň arasyndaky gowy gatnaşyklary ýada saldy we Eýran-Kuweýt gatnaşyklarynyň iki köne dost hökmünde hakyky potensialyna gaýdyp gelmelidigini aýtdy.
Eýranyň prezidenti Seýid Ybraýym Raisi Kuweýtiň emiri Şeýh Nawaf Al-Ahmad Al-Jaber Al-Sabah bilen telefon arkaly söhbetdeşlikde ony we ýurdunyň halkyny Oraza baýramy bilen gutlamak bilen Hudaýň Oraza baýramynyň bereketini goňşy we dostlukly Kuweýt halkyna we ähli musulmanlara nesip etmegini umyt etdi.
Raisi sözüniň dowamynda şeýle ýagdaýlarda musulmanlaryň ýürekleriniň ýakynlaşmagy yslam ýurtlarynyň arasyndaky jebisligi ýokarlandyrýar diýdi.
Kuweýtiň emiri Şeýh Nawaf Al-Ahmad Al-Jaber Al-Sabah hem bu telefon arkaly söhbetdeşlikde Eýranyň prezidentini we halkyny bu Oraza baýramy bilen gutlamak bilen Eýran Yslam Respublikasynyň prezident Raisiň döwründe goňşy we dostlukly ýurtlar bilen gatnaşyklaryň giňelmegine berýän ähmiýetinden diýseň hoşallyk bildirdi.
Kuweýtiň emiri şeýle hem prezident Raisiň Kuweýte sapar etmegine umyt bildirip iki ýurduň resmileriniň, esasanam Eýranyň we Kuweýtiň ýokary derejeli resmileriniň arasyndaky duşuşyklar iki ýurduň arasyndaky gatnaşyklary giňeltmäge we özara bähbitleri gazanmak üçin bilelikdäki tagallalary güýçlendirip biler diýdi.