Ispaniýaly tennisçi Rafael Nadal Rimde (Italiýa) geçirilýän “Masters” ýaryşynyň finalyna çykmagy başardy.
Ýaryşyň ýarym final duşuşygynda 34 ýaşly Nadal ABŞ-nyň wekili Raýlli Opelkany iki setde 6:4, 6:4 hasabynda ýeňdi.Duşuşyk jemi 1 sagat 32 minut dowam etdi.
Nadal 3 gezek göni urgy bilen utuk aldy we 7 breýk-pointden 2-sini gazanmagy başardy.Amerikaly tennisçi bolsa 5 gezek eýs bilen utuk aldy, ýöne 4 breýk-pointden ýekejesini-de gazanyp bilmedi. Ýaryşyň ýeňijisi bolmak ugrundaky jemleýji oýunda Nadal Nowak Jokowiç (Serbiýa) - Lorenzo Sonego (Italiýa) duşuşygynyň ýeňijisi bilen oýnar.
Rimdäki "Mastersiň" baýrak gaznasy 2,563,710 ýewro boldy. Ýaryşyň häzirki ýeňijisi - dünýäniň ilkinji raketkasy Nowak Jokowiç. 2020-nji ýylyň finalynda ol 7:5, 6:3 hasabynda argentinaly Diego Şwarsmany ýeňipdi.