11-nji dekabrda Türkmenistanyň daşary işler ministri Raşid Meredow Aşgabada Dialog — parahatçylygyň kepili atly halkara maslahatyna gatnaşmaga gelen, Özbegistanyň Prezidentiniň ýanyndaky Howpsuzlyk Geňeşiniň sekretarynyň orunbasary, Özbegistan Prezidentiniň daşary syýasy meseleler boýunça ýörite wekili Abdulaziz Kamilowyň bilen duşuşdy. Bu barada Türkmenistanyň DIM-niň resmi saýtynda habar berildi.
Bellenilişi ýaly, duşuşykda türkmen-özbek ikitaraplaýyn gatnaşyklaryny ösdürmek meselesiniň giň gerimi, şol sanda syýasy-diplomatik, söwda-ykdysady we medeni-ynsanperwer ugurlarda hyzmatdaşlygy ösdürmegiň geljegi barada pikir alyşmalar boldy. Hususan-da, döwletara gatnaşyklaryň çuňlaşmagyna goşant goşýan iň ýokary derejede ikitaraplaýyn saparlaryň ähmiýeti bellenildi.
Mundan başga-da, taraplar hyzmatdaşlygyň derejesine ýokary baha berdiler. Şunuň bilen baglylykda, iki ýurduň sebitde we howpsuzlygy, durnuklylygy we durmuş-ykdysady ösüşi goramakdaky garaýyşlarynyň meňzeşligi tassyklanyldy.