Ýurt Garaşsyzlygynyň 27 ýyllygy mynasybetli Türkmenistanyň Döwlet sirkiniň baş režissýory, şöhrat gazanan “Türkmen jigitleri” toparynyň ýolbaşçysy Pygy Baýramdurdyýew “Galkynyş” ordenine mynasyp boldy.
-Zähmetime şeýle ýokary baha berilmegi mende tolgunma we ummasyz minnetdarlyk duýgusyny döretdi,- diýip Pygy Hojamuhammedowiç özünde galan täsiri beýan etdi.Sylagy alanymda 30 ýyl mundan ozal durmuşymda bolan şanly wakany ýatladym: jigit bolmagy arzuwlan oba oglany bolan maňa Türkmenistanyň halk artisti Batyr Annaýew sirk arenasynda at çapyp görkezmegimi haýyş edipdi, men şonda ...
ilkinji gezek ata münüpdim.Men özüme erk edip, bar ünsümi şoňa jemläpdirm, at hem üstündäkiniň tutanýerliligni aňyp, diýenime boýun bolupdy.Bu aýgytly pursat meni sirk älemine getirip, bagtyýar durmuşa atarypdy.
- Kyn pursatda özüňe erk etmek, belki, Size soňam kömek eden bolsa gerek...
- Sirk artisriniň käri aslynda töwekgelçilikli iş, şonuň üçinem özüňe erk etmek—hünärimizde hökmany zat.
- Ginnesiň rekordlar kitabyna giren Akhan barada gürrüň beräýseňiz.
- Häzir Akhan 12 ýaşynda.Arassa ganly bu owadan at Gyrsakaryň ugrundan.Onuň atasy -- ady belli Gurply, enesi --Ruhubelent. 2 ýaşly Akhana Türkmenistanyň Prezidenti Gurbanguly Berdimuhamedow boş wagty baş öwretdi, seýisledi.
Ol taý wagtam hereketleriniň ýeňilligi we nepisligi, ýyndamlygy bilen beýleki bedewlerden saýry gelýärdi.Akhan ýeňillik bilen yzky aýaklaryna galyp, sagrysyny belent tutýardy.Döwlet Baştutany onuň üýtgeşik ukyplydygyna göz ýetirip, bedewi “Galkynyş” milli at üstündäki oýunlar toparyna sowgat beripdi.
Sankt-Peterburgda geçirilen Fontankadaky sirk sungatynyň I halkara festiwalynda türkmen jigitleri “Altyn Gaetano” altyn heýkeljigine mynasyp bolupdy, festiwal Sankt-Peterburg şäheriniň gününe we Peterburg sirkiniň ýubileýine gabat gelipdi. Şonuň üçinem Newa prospektinde şirkde çykyş edýän atlaryň, pilleriň, gaplaňlaryň we beýleki haýwanlaryň ýörüşini geçirmek karar edilipdi. Owadan Akhan şonda toparyň başyny çekmek abraýyna mynasyp bolupdy!
Pygy, siziň ýolbaşçylgyňyzda “Galkynyş” toparynyň ýene-de ildeşlerimizi ýeňişleri bilen begendirip, ýurdumyzyň abraýyny belende göterjekdigine ynanýaryn. Size üstünlikler arzuw edýärin!
Sag boluň! Maňa berlen sylag edil ordeniňki ýaly “Galkynyş” adyny göterýän toparymyzyň jigitleriniň ählisiniň sylagy. Men Türkmenistanyň Prezidenti Gurbanguly Berdimuhamedowa ahal-teke bedewlerine söýgüsi we türkmen atçylaryny hemmetaraplaýyn goldaýandygy üçin tüýs ýürekden minnetdarlyk bildirýärin, ol biziň ähli üstünliklerimiziň özenidir.