Türkmenistanly meşhur futbol hünärmeni Gurban Berdiýewiň ýakynda Azerbaýjanyň Turan toparynyň baş tälimçisi bolmagy mümkin. Bu barada klubyň sport direktory Samed Nasibow Sport24 neşirine maglumat berdi.
Azerbaýjanyň çempionatynyň geçen möwsüminde 48 utuk toplan Turan altynjy orny eýeledi.
Gurban Berdiýewiň soňky işlän toparynyň Mahaçkalanyň Dinamosy bolandygyny bu ýerde 2023-nji ýylyň iýul aýyndan şu ýylyň ýanwaryna çenli işländigini ýatladýarys.