Rus lider hytaýly kärdeşi Si Szinpiniň çakylygyna laýyklykda 16-17-nji maý aralygynda Hytaýa sapar gurar.
Liderler duşuşykda giňişleýin ýaranlyk we strategik täsirleşme bilen bagly ähli meseleleri jikme-jik ýagdaýda ara alyp maslahatlaşarlar. Russiýa-Hytaý amaly hyzmatdaşlygyň has hem özgerdilmegi üçin esasy ugurlaryň kesgitlenjek duşuşykda, mundan başgada gün tertibiniň halkara we sebitleýin meseleler barada pikir alyşarlar.
Gepleşikleriň netijesinde döwlet baştutanlarynyň umumy beýanat bermekleri we käbir ikitaraplaýyn resminamalara gol çekmekleri meýilleşdirilýär.
Putin we Si iki ýurduň arasynda dipolmatik gatnaşyklaryň ýola goýulmagy, Russiýa we Hytaý medeni ýyllaryň açylyşynyň 75-nji ýyly mynasybetli geçiriljek gala agşamyna gatnaşarlar.
Rus lider Putiniň Hytaýyň premýer ministri Li Çiang bilen hem söwda, ykdysadyýet we ynsanperwer ugurlarda ikitaraplaýyn hyzmatdaşlyk ugurlaryny maslahatlaşmak maksady bilen duşuşyk geçirmegine garaşylýar.
Heýlunszýan welaýatynyň dolanşyk merkezi Harbin şäherine hem sapar gurajak Putin, ol ýerde 8-nji Russiýa-Hytaý EXPO-synyň we 4-nji Russiýa-Hytaý Sebitara hyzmatdaşlyk forumynyň açylyş dabarasyna gatnaşar.
Mundan başgada Putin Harbin politehniki uniwersitetiniň talyplary we mugallymlary bilen duşuşyk geçirmegine garaşylýar.