26-njy awgustda Russiýanyň prezidenti Wladimir Putin Halk Maslahatynyň başlygy we öňki prezident Gurbanguly Berdimuhamedowy “Watan öňünde eden hyzmaty üçin” medalynyň IV derejesi bilen sylaglamak barada karara gol goydy.
Bu barasyndaky resminama Russiýanyň hukuk maglumat resmi portalynda çap edildi.
Kararda aýdylmagyna görä, Berdimuhamedow “Russiýa Federasiýasynyň we Türkmenistanyň arasynda strategik hyzmatdaşlygy pugtalandyrmaga hyzmaty üçin” orden bilen sylaglanýar.
Şu ýylyň maýynda uly Berdimuhamedow Kazana sapar edende, “Tatarystan Respublikasyna eden hyzmaty üçin” medalyny alypdy.
Şol günüň özünde, Putin prezident Serdar Berdimuhamedowy “Dostlyk” ordeni bilen sylaglapdy.
Mundan bir hepde owal RF-niň Federasiýa Geňeşiniň başlygy Walentina Matiwiýenko uly Berdimimuhamedowa ýubileý medalyny gowşurdy.
2018-nji yylyň iýunynda Putin uly Berdimuhamedowyň doglan gününde onuň atasy Berdimuhammet Annaýewi “Edermanligi üçin” orden bilen sylaglapdy.
Mundan bir ýyl owal 60 ýaşan Berdimuhamedowy Putin “Aleksandr Newskiý” ordeni bilen sylaglapdy.The post Putin Gurbanguly Berdimuhamedowy “Watan öňünde eden hyzmaty üçin” medaly bilen sylaglady first appeared on Türkmenistanyň Hronikasy.