Prezident R. T. Erdogan, Russiýanyň döwlet Ýolbaşçysy Wladimir Putin bilen Siriýanyň Prezidenti Başar Asady Türkiýä çagyrmagy meýilleşdirýändigini aýtdy.
Prezident Erdogan, Gazagystana guran saparyndan gaýdyşyn uçarda metbugata beýannama berdi.
Siriýanyň Prezidenti Asad bilen duşuşyp biljekdigini aýdan Prezident Erdogan, geçen hepde hem Siriýa bilen täze etabyň başlap biljekdigini mälim edipdi.
Erdogan “Biz Jenap Putin bilen Başar Asady Türkiýä çagyryp bileris. Jenap Putin Türkiýä sapar guran halatynda, bu täze etabyň başlangyjy bolar. Siriýa meselesiniň çözülmeginiň diýseň möhümdigine doly göz ýetirildi” diýdi.
Prezident Erdogan, Siriýanyň gaýtadan dikeldilmeginiň we durnuksyzlygyň ortadan aýrylmagynyň möhümdigini nygtady.
Erdogan, Siriýada parahatçylygyň ýola goýulmagynyň we asudalygyň dürli ýurtlara gitmeli bolan millionlarça adamyň ýurtlaryna dolanmagy taýdan hem möhümdigini nygtap “Biz goňşymyz Siriýa hemişe dostluk elini uzatdyk we uzadarys” diýip belledi.