Wladimir Putin Russiýanyň Sankt-Peterburg şäherinde BRICS-e agza ýurtlaryň 14-nji ýokary wekilleriň howpsuzlyk maslahatyna gatnaşýan resmiler bilen duşuşyk geçirdi.
Ol ýerde beýanat beren Putin, ady agzalan maslahata 1-nji ýanwardan bäri BRICS-e agza bolan ýurtlaryň wekilleriniň hem gatnaşýandygyny aýan etdi.
Şu günki güne çenli BRICS-iň çäginde tapawutly ugurlar boýunça maslahatlaryň geçirilendigine ünsleri çeken Putin, oktýabr aýynyň 22-24-si aralygynda Russiýa Federasiýasynyň Tatarystan Respublikasynyň paýtagty Kazan şäherinde BRICS sammitiniň geçiriljekdigini we ol maslahata ençeme ýurduň liderleriniň gatnaşjakdygyny beýan etdi.
Russiýanyň döwlet baştutany Wladimir Putin BRICS-iň ähmiýetini belläp: "BRICS-e gyzyklanma artýar. 34 ýurt BRICS-iň düzümine dürli ýollar bilen goşulmak isleýär" diýip habar berdi.