Fransiýanyň çempionatynda sanawyň lideri PSŽ myhmançylykda “Loriýandan” soňky 10 minutda 2 gol geçirdip, ýeňlişe sezewar boldy.Aşaky orunlarda barýan “Loriýana” ýeňiş getiren gollary Aberžel 36, Wissa 80, Moffi 90+2 geçirdi.
PSŽ-den Neýmaryň 45-nji we 57-nji minutlarda penalti urgularyndan geçiren gollary ýeňşe ýeterlik bolmady. Şunlukda, toparyň täze tälimçisi Poçettino ilkinji gezek ýeňlişe sezewar boldy.Bu ýeňlişden soň PSŽ 3-nji orna düşdi. Ýusuf Ýazyjynyň ýeke-täk goly bilen “Dižony” ýeňen “Lill” 1-nji orna geçdi. “Bordodan” 21 üstün çykan “Lion” 2-nji ýerde barýar. “Nanty” 2-1 hasabynda utan “Monako” hem çempionlyk ýaryşyna goşuldy. Çempionatda 22-nji tapgyrdan soň, “Lilliň” 48, “Lionyň” 46, PSŽ-niň 45, “Monakonyň” 42 utugy bar.
The post PSŽ soňky 10 minutda ýeňildi, “Monako” çempionlyk ýaryşyna goşuldy appeared first on Zaman Türkmenistan.