Fransiýanyň çempionaty “Ligue 1-de” sanawyň lideri PSŽ öz meýdançasynda “Gengamy” 90 hasabynda ýeňdi.Oýunda Mbappe bilen Kawani het-trik eden bolsa, Neýmar 2, Moýnýe 1 gol geçirdi.
Bu duşuşykdan 1 hepde ozal, “Gengam” Liga Kubogy ýaryşynyň çärýek finalynda PSŽ-ni myhmançylykda 21 ýeňip, güýçli garşydaşyny ýaryşdan çykarypdy.Angliýanyň çempionatynda tapgyryň merkezi oýnunda “Arsenal” fransuz oýunçylary Lakazett we Kosielniniň gollary bilen “Çelsini” 20 utdy.
Salahyň 2 gol geçiren oýnunda “Liwerpul” öz meýdançasynda “Kristal Palasdan” 43 üstün çykdy. Şeýle hasap bilen gutaran başga bir duşuşykda-da “Wulwerhempton” “Lester Sitini” 43 ýeňdi.Duşuşykda ýer eýeleriniň 3 goluny Diogo Jota öz adyna ýazdyrdy.Italiýada “Napoli” öz meýdançasynda “Lasiony” 21 ýeňlişe sezewar etdi.
Ronaldonyň penaltini dürs urup bilmedik duşuşygynda “Ýuwentus” “Kiewony” 30 hasaby bilen utdy.Ronaldonyň karýerasy boýunça geçirip bilmedik penaltileriniň sany 25-e ýetip, ol bu ugurda Messi bilen deňleşdi.
Soňky wagtlarda köp gol geçirýän Duwan Zapatanyň 4 gezek tapawutlanan oýnunda “Atalanta” myhmançylykda “Frosinoneni” 50 ýeňdi.Ispaniýanyň “La Ligasynda” “Barselona” “Leganesden” 31 üstün çykdy.Katalonlaryň gollaryny Dembele, Suares we Messi geçirdi. “Real Madrid” hem soňky minutlarda geçiren gollary esasynda “Sewilýany” 20 ýeňdi. Çempionlygyň beýleki dalaşgäri Madridiň “Atletikosy” hem 3 utugy 3 gol bilen gazandy.Germaniýanyň “Bundesligasynda” sanawyň lideri “Borussiýa Dortmund” myhmançylykda “Leipsigi” Witseliň ýeke-täk goly bilen ýeňdi. “Bawariýa” hem Goreska (2) we Lewandowskiniň gollary bilen “Hoffenhaýmy” 31 ýeňip, aratapawudy saklamagy başardy.
Nobatdaky tapgyryň iň esasy duşuşyklary: 26-njy ýanwar: “Milan”“Napoli” (00:30), “Walensiýa”“Wilýarreal” (00:45), 27-nji ýanwar: “Feýenoord”“Aýaks” (18:30), “Lasio”“Ýuwentus” (00:30), 30-njy ýanwar: “Liwerpul”“Lester Siti”.