PSŽ bilen hüjümçi Kilian Mbappeniň arasyndaky täze şertnama bilen bagly gepleşikler barada maglumatlar belli boldy.
ABC telewizion ulgamynyň maglumatlary boýunça, parižliler 23 ýaşly futbolça 2023-nji ýylda başga kluba geçmek mümkinçiligi bilen 2024-nji ýyla çenli şertnama teklip edýärler. “PSŽ-niň” prezidenti Nasser Al-Helaýfi Mbappeniň 2022-nji ýylda Katarda geçiriljek dünýä çempionatynda toparyň oýunçysy bolmagyny isleýär diýip, sports.ru habar berýär.
Kilian “Reala” tomusda erkin agent hökmünde geçmäge söz berdi. Eger ol “PSŽ-de” galsa, onda Madridiň klubundan täze teklip almaz. “Real” arkaýyn, ýöne indi gijikmäniň bolmagyna razy däl we Mbappe hem muny bilýär. “Madrid” Kilianyň pikirini üýtgetjekdigine ynanmaýar, ýöne oýunçy diňe bir “PSŽ” däl, eýsem maşgalasy tarapyndan hem basyşa sezewar bolýar.
“Real” Mbappe bilen deslapky şertnamalar barada resmi gepleşikler başlanda, “PSŽ-ä” duýdurmaly. Hüjümçi “Madridden” Çempionlar ligasynyň 1/8 final oýunlaryna çenli hereket etmezligi sorady.
Şu möwsümde 23 ýaşly hüjümçi ähli ýaryşlarda “PSŽ” üçin 26 oýna gatnaşyp, 19 gol geçirdi we 12 netijeli geçirim etdi.