Fransiýanyň Super Kubogyna-da PSŽ topary mynasyp boldy.Lans şäherinde oýnalan duşuşykda PSŽ topary “Marsel” klubundan 2-1 üstün çykdy.PSŽ-niň gollaryny Ikardi (39) bilen Neýmar (85 P) derwezä girizdi. “Marselden” Paýetiň 89-njy minutdaky goly ýeňşe ýeterlik bolmady. Şeýlelikde, PSŽ yzly-yzyna 8-nji, umumylykda-da 10-njy sapar ýurduň Super kubogyny eýelemegi başardy.
PSŽ topary Fransiýanyň çäginde 2020-nji ýyla degişli mümkin bolan ähli kubogy Ligue 1-iň çempionlygyny, Fransiýanyň Kubogyny, Fransiýanyň Liga Kubogy hem-de Super Kubogyny gazandy.Topar şeýle başarnygy 2015-nji, 2016-njy hem-de 2018-nji ýyllardan soň 4-nji gezek gaýtalaýar.
Adatça awgust aýynda oýnalýan bu duşuşyk 2008-nji ýyldan bäri ilkinji sapar Fransiýada geçirildi.
The post PSŽ – Fransiýanyň iň Super topary appeared first on Zaman Türkmenistan.