Prezident Gurbanguly Berdimuhamedow 4-nji maýda birnäçe kadr bellemek kararyna gol çekdi.
Hakdurdy Gurbanow Statistika baradaky döwlet gullugynyň başlygy wezipesine bellenildi. Ol ozal bu edaraynyň başlygynyň orunbasary bolup işleýärdi;
Aýna Öräýewa başga işe geçýändigi sebäpli Döwlet statistika gullugynyň başlygy wezipesinden boşadyldy;
Döwrangeldi Sapbaýew “Türkmengaz” döwlet konserniniň “Gazygaýtadanişleýiş” müdirliginiň Ahal welaýatynda gazdan benzin öndürýän zawodynyň direktory wezipesine bellenildi;
Durdymyrat Atadurdyýew “Türkmengaz” döwlet konserniniň “Gazygaýtadanişleýiş” müdirliginiň Gyýanlydaky polimern zawodynyň direktorlygyna bellenildi;
Leýli Gurbanowa “Nesil” gazetiniň baş redaktorynyň orunbasary wezipesine bellenildi;
Sülgün Babaýewa Mary welaýatynyň Sakarçäge etrabynyň häkiminiň orunbasary wezipesine bellenildi.