Adalat we ösüş partiýasynyň başlygy hem bolan Prezident Rejep Taýýip Erdogan, partiýasynyň Ysparta welaýatynda geçiren mitinginde eden çykyynda, ýurduň ykdysady görkezijileri barada beýanat berdi.
Durmuşa geçirilen maksatnamanyň netijeleriniň şu ýylyň ikinji ýarymynda görünip başlajakdygyny aýdan Erdogan: "Umuman alanyňda ýurduň ykdysady görkezijileri gaty gowy. Milli girdejimiz, iş üpjünçiligimiz, önümçiligimiz, eksportymyz taryhymyzyň iň ýokary derejesinde. Inflýasiýa peselmek bilen ykdysadyýetdäki bu oňyn görkezijileriň gaýtarmalaryny işgärlerimize we pensionerlerimize has gowy görkezmäge mümkinçilik taparys" diýip habar berdi.
Goranyş senagatynyň hem üstünde durup geçen Erdogan, uçarmansyz howa ulagy tehnologiýasynda dünýädäki ilkinji 3 ýurduň biri, milli harby uçar KAAN bilen hem 5-nji nesil uçar öndürip bilýän dünýädäki 4 ýurduň biri bolandyklaryny mälim etdi.