Türkiyäniň Prezidenti Rejep Taýýip Erdogan Yragyň Kürt Awtanomiýasynyň başlygy Neçirwan Barzani, Yragyň Kürt Awtanomiýasynyň premýer ministri Mesrur Barzani we ýanyndaky wekiliýet bilen Yragyň Erbil şäherinde duşuşdy.
Geçirilen duşuşykda sebitleýin we global meseleler bilen terrora garşy göreş meseleleri ara alynyp maslahatlaşyldy.
Prezident Erdogan duşuşykda Yragyň zorlukdan gün-günden daşlaşýandygyny görmekden hoşaldygyny belläp, terror guramasy PKK meselesiniň indi gün tertipden çykarmagyň wagtynyň gelendigini beýan etdi.
Prezident Erdogan şol çäkde Türkiyäniň terrora garşy göreşde orta atan birlige ähmiýet berýändigini we onu özgertmek tutanýerliliginiň bardygyny habar berdi.
Prezident Erdogan Yrak bilen köptaraplaýyn hukuk resminamalaryna gol çekilendigini we şol hyzmatdaşlyk perspektiwasynyň Yragyň Kürt Awtonomiýasyny hem öz içine alýandygyny beýan etdi.
Paýtagt Bagdatda gol çekilen özara düşünişmek baradaky memorandumy bilen bütin dünýä yglan edilen "Galkynyş Ýolunyň" tutuş Yragyň abadançylygyna we asudalygyna hyzmat etjekdigine ünsi çeken Prezident Erdogan, Bagdat we Erbil dolanşyklarynyň üçünji taraplaryň gatyşmagyna ýol bermezden sagdyn gepleşik gurmalydygyny we iş gatnaşyklaryny ýola goýmalydygyny belledi.
Türkiyäniň Yragyň Kürt Awtonomiýasy bilen söwda gatnaşyklaryny ösdürmek islegini beýan eden Prezident Erdogan, Owaköý-Fişhabur gümrük geçelgesiniň iň ýakyn wagtda açylmagynyň, Derejik-Zeti gümrük geçelgesinden ulaglaryň geçmegine açylmagynyň möhümdigini beýan etdi.
Prezident Erdogan sebitdäki türkmenleriň syýasy wekili başda bolmak bilen hukuklarynyň we bähbitleriniň goraljakdygyna ynanýandygyny aýtdy.
Yragyň Kürt Awtonomiýasy hem Türkiyäniň Prezidenti Rejep Taýýip Erdoganyň sapary barada ýazmaça beýannama berdi.
Yragyň Kürt Awtanomiýasynyň başlygy Neçirwan Barzaniniň we Yragyň Kürt Awtanomiýasynyň premýer ministri Mesrur Barzaniniň Prezident Erdogan bilen geçiren duşuşyklarynda, Türkiye bilen ähli ugurlarda gatnaşyklaryny ösdürmek isleýändiklerini we kyn wagtlarda Yragyň Kürt Awtonomiýasyna berilen kömekler we hyzmatdaşlyklar üçin minnetdarlyk bildirdi.
Prezident Erdogan Yrak saparyny tamamlap, paýtagt Ankara gaýdyp geldi.