Şanhaý hyzmatdaşlyk guramasynyň 24-nji liderler sammitine gatnaşmak üçin Gazagystanyň paýtagty Astana giden Prezident Erdogan geçirýän özara duşuşyklaryny dowam etdirýär.
Prezident Erdogan şu gün ilki Mongoliýanyň Prezidenti Uhnaagaýin Hurelsuh, soň bolsa Kataryň Emiri Şyh Temim bin Hamed Al Sani bilen duşuşdy.
Metbugata ýapyk häsiýetinde geçirlen duşuşykda Ysraýylyň Palestina garşy guraýan hüjümleri we Ysraýyl tarapyndan Liwana abanýan howp bilen birlikde sebitara we halkara meseleler seljerildi.
Erdogan, musulman dünýäsiniň başda durmagynda halkara jemgyýetçiliginiň Ysraýylyň hüjümleriniň bes edilmegi üçin birlikde hereket etmelidigini nygtady.
Prezident Erdogan iş saparynyň çäginde düýn Russiýanyň döwlet Ýolbaşçysy Wladimir Putin, Azerbaýjanyň Prezidenti Ilham Aliýew we Pakistanyň Prezidenti Şahbaz Şerif bilen duşuşypdy.