BMG-nyň Baş Assambleýasynyň 79-njy Sessiýasyna gatnaşmak üçin ABŞ-na giden Prezident R. T. Erdogan Nýu-Ýorkdaky Türk öýünde möhüm duşuşyklar geçirýär.
Prezident Erdogan iş saparynyň çäginde Ukrainanyň Prezidenti Wladimir Zelenskiý bilen duşuşdy.
Duşuşyk metbugata ýapyk häsiýetinde geçirildi.
Prezident Erdogan soň bolsa Pakistanyň Premýer-ministri Şahbaz Şerifi kabul etdi.
Kabul edilşikde Türkiýe bilen Pakistanyň arasyndaky özara gatnaşyklar bilen birlikde sebitara we halkara meseleler ara alnyp maslahatlaşyldy.
Prezident Erdogan kabul edilşikde Türkiýe bilen Pakistanyň goranyş senagatynyň we ykdysadyýetiň başda durmagynda birnäçe ugur boýunça ýakyndan hyzmatdaşlyk etmäge dowam etjekdigini belledi. Ysraýyl tarapyndan Gaza guralýan hüjümleriň bes edilmegi üçin birlikde hereket edilmeginiň möhümdigini nygtan Erdogan, Türkiýäniň hüjümleriň bes edilmegi we yzygiderli parahatçylygyň ýola goýulmagy, palestin halkyna gyssagly ynsanperwer kömeginiň berilmegi üçin tagalla etmäge dowam edýändigini ýatlatdy.
Erdogan, Gresiýanyň Premýer-ministri Kyriakos Mikotakisi hem kabul etdi.
Kabul edilşikde Türkiýe bilen Gresiýanyň arasyndaky Ýokary derejeli hyzmatdaşlyk geňeşiniň nobatdaky maslahatynyň täze ýylyň ilkinji aýlarynda Türkiýede geçirilmegi boýunça karar kabul edildi.
Prezident Erdogan BMG-nyň Baş sekretary Antoniu Guterreş bilen hem duşuşdy.