Prezident R. T. Erdogan, Katolikleriň ruhany lideri we Watikanyň döwlet Ýolbaşçysy Papa Fransisk bilen telefon arkaly söhbetdeşlik geçirdi.
Prezidentiň ýanyndaky Kommunikasiýalar edarasyndan berlen beýannama görä, Prezident Erdogan telefon söhbetdeşliginde Pariž olimpia oýunlarynyň açylyş dabarasyndaky gelňşiksiz çykyşlaryň uly garşylyga sebäp bolandygyny aýtdy.
Prezident Erdogan söz azatlygy we hoşniýetlilik bahanasy bilen dini we ahlaky gymmatlyklaryň kemsidilmeginiň ýalňyşdygyny nygtady.
Prezident Erdogani ynsanlary birleşdirmek maksady bilen geçirilýän olimpia oýunlarynda dini gymmatlyklaryň kemsidilmeli däldigini aýtdy.
Erdogan, Ysraýylyň Gaza guraýan hüjümleriniň genoside öwrülendigini, uly adamzat pajygasynyň başdan geçirilýändigini, Ysraýylyň käbir döwletleriniň özüne berýän ykdysady we harby kömekleri sebäpli gyrgynçylygyny dowam etdirýändigini belledi.
Erdogan, Hamasyň syýasy lideri Ismail Heniýýeniň janyna kast edilmeginiň we Liwana guralan hüjümiň Ysraýylyň tutuş sebit, dünýä we adamzat üçin howplydygyny ýene-de bir gezek görkezendigini ýatlatdy.
Katolikleriň ruhany lideri we Watikanyň döwlet Ýolbaşçysy Papa Fransisk hem telefon söhbetdeşliginde parahatçylyk üçin edýän tagallasy we dini gymmatlyklaryň kemsidilmegine garşy ünsli çemeleşýändigi sebäpli Prezident Erdogana sag bolsun aýtdy.