Prezident R. T. Erdogan, Italiýanyň Premýer-ministri Meloni bilen telefon arkaly söhbetdeşlik geçirdi.
Prezidentiň ýanyndaky Kommunikasiýalar edarasyndan berlen beýannama görä, Erdogan bilen Meloni telefon söhbetdeşliginde Türkiýe bilen Italiýanyň arasyndaky özara gatnaşyklar, Ysraýylyň sebitde guraýan hüjümleri bilen birlikde sebitara we halkara meseleler hakynda pikir alyşdy.
Prezident Erdogan telefon söhbetdeşliginde, Türkiýe bilen Italiýanyň arasyndaky özara gatnaşyklaryň gün saýyn pugtalanýandygyny, özara söwda mukdarynyň goranyş senagatynyň başda durmagynda birnäçe ugur boýunça artdyrlyp bilinjekdigini nygtady.
Prezident Erdogan, Ysraýylyň berlen duýduryşlara garamazdan Ýakyn Gündogardaky dartgynlygy gün saýyn möwjedýändigini, Ysraýylyň hüjümleriniň bes edilmegi üçin halkara jemgyýetçiliginiň birlikde hereket etmeginiň möhümdigini, Italiýanyň berýän goldawynyň Türkiýäniň BMG derejesinde başladan Ysraýyla ýarag satuwynyň bes edilmegi baradaky başlanjygyna güýç berjekdigini ýatlatdy.