Gyrgyzystanyň Prezidenti Sadyr Japarowyň içinde bolan resmi ulagy Prezidentiň kompleskiniň öňündäki köçede garşylan atly esgerler, ulaga girelgä çenli ýoldaşlyk etdiler.
Aşa ýagan ýagyşda amala aşyrylan dabarada Prezident Erdogany Japarowy girelge gapysynda garşylady.
Erdoganyň we Japawrowyň resmi dabaradaky ýerlerine geçenlerinden soň, iki ýurdyň milli senalary ýaňlandy, 21 gezek top atyldy.
Japarow gorag polkunyň dabaraly goşunyna "Salam esger" diýip salam berdi.
Dabarada taryhda esaslandyrylan 16 türk döwletine wekilçilik edýän baýdaklar we esgerler bardy.
Ondan soň biri-birlerine wekiliýetlerini tanyşdyran Erdogan we Japarow, merduwanda Türkiýäniň we Gyrgyzystanyň baýdaklarynyň öňünde surata düşdiler.
Dabara Prezidentiň orunbasary Fuat Oktaý, Daşary işler ministri Mewlüt Çawuşogly, Gazna we maliýe ministri Lütfi Elwan, Medeniýet we syýahatçylyk ministri Mehmet Nuri Ersoý we Söwda ministri Mehmet Muş bilen Kommunikasiýalar edarasynyň başlygy Fahrettin Altun we Prezidentiň metbugat sekretary Ibrahim Kalyn gatnaşdylar.
Japarowa ýoldaşlyk eden ýokary derejeli wekiliýetiň düzüminde bolsa gyrgyz ministrler we harby resmiler bardy.
Dabaradan soň Erdogan we Japarow ikiçäk duşuşyk geçirmäge geçdiler.