Prezident Rejep Taýýip Erdogan we aýaly Emine Erdogan Fetullahçy terror guramasynyň (FETÖ) agdarlyşyk synanyşygynyň puja çykarylmagynyň 8-nji ýylynda Stambul şäherinde 15-nji iýul Şehitler köprüsinde ýerleşýän 15-nji Iýul Şehitleri ýadygärligini zyýarat etdi.
Şehitler üçin Gurhandan aýat-töwirleriň okalmagy bilen başlan zyýaratda prezident Rejep Taýýip Erdogan hem Gurhan okady.
Şehitleriň ýadygärligi üçin doga-dilegleriň edilmeginden soň prezident Erdogan, 15-nji iýulda şehit bolan adamlara Alladan rehnet diledi, şikes ýetenlere bolsa gynanç bildirdi.
Erdogan agdarlyşyk synanşygynyň ilkinji minutlaryndan başlap çagyryşa garaşmadan dönüklere garşylyk görkezmek üçin köçelere, meýdançalara çykan ähli adamlara ýene-de bir gezek minnetdarlyk bildirdi.
Agdarlyşyk synanyşygynyň başlan ýeri bolan köprüde, huntaçylaryň gijäniň dowamynda irdene çenli gan dökmäge, bigünä adamlary öldürmäge dowam edendigini ýatladan prezident Erdogan: "Döwlet agdarylyşygyny meýilleşdirenleriň dönük we rehimsiz ýüzüni bu ýerde eden ganhorluklaryny ählimiz bilelikde gördük. Ýadymyza ýazylan şol sahnalaryň hiç birini ýatdan çykarmadyk we ýatdan çykarmarys. Şol bir ýagdaýda milletimiziň elleri bilen tanklara we öldüriji ýaraglara garşy görkezen epiki göreşini buýsanç bilen hatyralap geçýäris" diýip habar berdi.
15-nji iýula oýun diýenleri, teatr sahnasy diýenleri, utanman ylalaşykly uruş diýenleri kyýamat gününe çenli bagyşlamajakdyklaryny aýdan prezident Erdogan: "Bu millet garaşsyzlygyna el ýetiren, ygtyýaryna gandal geçirmäge synanyşan her bir oýuny nähili bozan bolsak, mundan soň hem bozmaga dowam ederis" diýip beýan etdi.