9-njy fewralda geçirilen giňişleýin Hökümet mejlisinde Türkmenistanyň Prezidenti Serdar Berdimuhamedow Balkan welaýatynyň käbir etraplaryna täze häkimleri wezipä bellemek hakyndaky Permanlara gol çekdi.
TDH-nyň habar bermegine görä, döwlet Baştutanynyň gol çeken resminamalaryna laýyklykda:
Gylyjow Nurahmet Kömekowiç, özüne ynanylan wezipäni oňarmandygy üçin, Balkan welaýatynyň Bereket etrabynyň häkimi wezipesinden boşadyldy.
Balkan welaýatynyň Bereket etrabynyň häkimi wezipesine Aşyrmyrat Musakowiç Öwezow bellenip, ol ozalky etrap häkiminiň orunbasary wezipesinden boşadyldy.
Kürenow Küren Durdymämmedowiç, özüne ynanylan wezipäni oňarmandygy üçin, Balkan welaýatynyň Türkmenbaşy etrabynyň häkimi wezipesinden boşadyldy.
Balkan welaýatynyň Türkmenbaşy etrabynyň häkimi wezipesine Meýlis Mergenowiç Mergenow bellenildi.