18-nji ýanwarda prezident Berdimuhamedow Ahal welaýatynyň täze paýtagtynyň gurluşygyny gözden geçirmek üçin ol ýerä bardy. Mundan öň prezident şäheriň aşu ýyl tabşyryljakdygyny yglan edipdi.
TDH döwlet täzelikler gullugynyň habaryna görä, 2019-njy ýylda gurluşygyna başlanan täze şäheriň ýerleşýän ýeri “şäher gurluşygy baradaky maksatnamalaryň talaplaryna doly laýyk gelýär”.
Berdimuhamedow desganyň daşy we bordýurleri üçin materiýaly,oturgyçlaryň dizaýnyny, zibil atylýan ýeri, ýagtylandyrylyş direglerini,meýdançalardaky oturgyçlary, 40 metrlik “Ahal” ýadygärligini, ýerasty geçelgäni, awtobus duralgalaryny, şeýlede bu ýerdäki desgalaryň içini hem daşyny nähili etmelidigni, myhmanhanalaryň atlaryny makullady.
Mundan soňra prezident wise-premýerleri bilen gurluşykda edilen işler we bu ýerde şertnamalary ýerine ýetirýän şirketleriň ýolbaşçylary bilen maslahat geçirdi.
Berdimuhamedowyň sözlerine görä, döwlet täze şäheriň gurluşygy üçin ähli şertleri döretdi. Potratçylar we kömekçi potratçylar gümrük salgydyny tölemekden,birja we gümrük ýygymlaryndan boşadyldy.Şonuň ýalyda,olaryň ýaşaýyş jaýlary dikmek boýunça şertnamalary ýerine ýetirmegini maliýeleşdirmek babatda zerur mukdar üçin ýeňillikli karzlar berildi.
TDH-niň ýazmagyna görä, Ahal welaýatynyň täze paýtagtynyň ýerleşýän ýeri şeýlede daş-gurşaw ýagdaýy,ýer yranma durnuklylygy we beýleki zerur görkezijileri alymlar tarapyndan jikme-jik öwrenildi.
“Türkmenaragatnaşyk”edarasynyň Hajymyrat Hudaýgulyýew “täze adminstrasiýa merkezine döwrebap internete we aragatnaşyk ulgamyna laýyk işlenip taýýarlanan maksatnamalaryň ornaşdyrylýandygy” barada gürrüň berdi.
Mejlisiň dowamynda prezident täze şäherde ýokary ýaşaýyş derejesini üpjün etmegi, şeýlede ähli gurluşyk işlerini öz wagtynda ýerine ýetirmegi buýurdy.
Berdimuhamedow gurluşyk işlerine ýurdyň ÝOJ-niň studentlerini çekmegi tabşyrdy.The post Prezident Ahalyň täze paýtagtynyň gurluşygyny gözden geçirdi we gurluşyga studentleri çekmegi tabşyrdy first appeared on Türkmenistanyň Hronikasy.