Angliýanyň Premier Ligasynda ýylyň futbolçysy diýlip, wise-çempion Mançester Sitiniň belgiýaly ýyldyzy Kewin De Bruýne saýlandy.Ol janköýerleriň hem-de futbol hünärmenleriniň ses bermeginde bu hormata laýyk görüldi. 29 ýaşly ýarymgoragçy bu ugurda Liwerpulyň oýunçylary Trent Aleksander-Arnolddan, Sadio Maneden, Jordan Hendersondan, Býornliden Nik Poupdan hem-de Lester Sitiniň ezber hüjümçisi Jeými Wardiden öňe saýlandy.
De Bruýne tamamlanan möwsümde 13 gol geçirip, 20 gola asistlik etdi.Ol bir möwsümde asist etmekde Tierri Anriniň rekordyny gaýtalady. Şeýle-de De Bruýne watandaşlary Wensen Kompani hem-de Edin Hazar bilen bilelikde, soňky 10 ýylda bu baýragy alan 3-nji belgiýaly futbolçy boldy.
Janköýerler bilen futbol hünärmenleri ýylyň tälimçisi hökmünde-de Liwerpula 30 ýyldan soň çempionlyk gazandyran Ýurgen Kloppy saýladylar.