Angliýanyň Premier Ligasynyň şu möwsümi tamamlanyp, çempion Liwerpul myhmançylykda Nýukasly 31 ýeňdi.Tapgyryň merkezi oýnunda Lester bilen Mançester Ýunaýted duşuşyp, myhmanlar 20 hasabynda ýeňşini baýram etdi.
Bu ýeňlişden soň, möwsümiň agramly böleginde 34-nji ýerlerde bolan Lester çempionaty 5-nji orunda tamamlap, Çempionlar ligasynyň daşynda galdy. Şunlukda, täze möwsümde çempion Liwerpul, Mançester Siti, Mançester Ýunaýted hem-de Çelsi toparlary Çempionlar ligasyna wekilçilik ederler.
West Ham bilen deňme-deň oýnan Aston Willa çempionatda galmagy başardy. Norwiç Sitiden soň, Bornmut bilen Watford toparlary aşaky liga düşen beýleki klublar boldy. Iki toparam 34 utuk toplady. Bornmuta soňky tapgyrda Ewertony ýeňmegi ligada galmak üçin ýeterlik bolmady. Watford bolsa, Arsenaldan 32 asgyn geldi.
Çempionatda 23 gol geçiren Jeými Wardi iň netijeli futbolçy boldy. 33 ýaşyndaky tejribeli hüjümçi Premier Liganyň taryhynda bu hormata mynasyp bolan iň ýaşuly futbolçy hökmünde hasaba alyndy. Şeýle-de Liwerpul toparynyň kapitany Jordan Henderson Futbol žurnalistleri bileleşigi (FWA) tarapyndan ýylyň futbolçysy diýlip saýlandy.
30 ýyldan soň, Liwerpula çempionlyk gazandyran Ýurgen Klopp Liganyň Menejerler bileleşigi (LMA) tarapyndan ýylyň tälimçisi baýragyna laýyk görüldi. 16 ýyldan soň, Lids Ýunaýtedi Premier Liga çykaran argentinaly Marselo Bielsa Championship-de ýylyň tälimçisi diýlip saýlandy.