Angliýanyň çempionaty Premier Ligada çempionlygyny yglan eden Liwerpul myhmançylykda Arsenaldan 21 asgyn geldi. 20-nji minutda Mane bilen öňe saýlanan çempion topar 33-nji minutda Lakazettiň hem-de 44-nji minutda Nelsonyň gollaryna çäre tapyp bilmedi.
Bu ýeňlişden soň, Liwerpulyň, 2018-nji ýylda 100 utuk toplan Mançester Sitiniň rekordyny täzelemek mümkinçiligi galmady. Çempionatda 34-nji ýerler ugrunda ýiti göreş bolup, garşydaşlaryna garanyňda, bir ädim öňde barýan Çelsi 36-njy tapgyrda Norwiçi Oliwie Žirunyň ýeke-täk goly bilen 10 ýeňdi.
Lester öz meýdançasynda Şeffild Ýunaýtedi, Mançester Ýunaýted bolsa, myhmançylykda Kristal Palasy 20 hasabynda utdy. 37-nji tapgyrda Çelsi myhmançylykda Liwerpul, Lester bolsa Tottenham bilen duşuşar. 38-nji tapgyrda-da Lester bilen Ýunaýtediň arasyndaky oýun 4-nji orundaky topary kesgitlär.
35-nji tapgyrda West Hamdan 40 asgyn gelen Norwiç Premier Liga bilen hoşlaşan ilkinji topar boldy. Bu duşuşykda West Hamyň 4 goluny hem Maýkl Antonio derwezä girizdi.
Russiýanyň çempionatynda geçen hepde-de çempionlygyny yglan eden Zenit iň aşaky orunda barýan Orenburgy 41 ýeňdi.Duşuşykda Serdar Azmun 2 gezek tapawutlandy.Bu ýeňlişden soň, Orenburg 2-nji liga düşdi.
Moskwa derbisinde-de Lokomotiw öz meýdançasynda SSKA-ny kabul edip, Alekseý Mirançugyň 2 penalti goly bilen 21 hasabynda ýeňiş gazandy.Bu ýeňişden soň, Lokomotiw çempionaty 2-nji orunda tamamlamak ugrunda uly mümkinçilige eýe boldy.