Dünýäniň iň abraýly aýdym-saz
baýraklarynyň biri “Billboard”
aýdym-saz baýraklarynyň bu ýylky ýeňijileri mälim edildi. Şol mynasybetli Los Anjelesdäki “Dolby” teatrynda geçirilen dabarany Kelli Klarkson alyp bardy. Aslynda, adatda, aprel
aýynda geçirilmeli dabara dünýäde emele gelen çylşyrymly ýagdaýlar sebäpli soňa
süýşürilipdi. Dabarada iň köp baýragy Post Malone alyp, ol 9 ugurda ýeňiji boldy. Meşhur
repçi 16 ugur boýunça dalaşgärlige hödülenipdi. Ol dabaranyň baş baýraklaryndan iň
gowy aýdymçy, iň gowy erkek aýdymçy, “Billboard 200 Artist”, “Hot 100 Artist”, “Streaming
Songs Artist”,
şol sanda iň gowy rep
aýdymçysy, iň
gowy erkek repçi, iň gowy rep “tour”, iň gowy rep albomy ugurlary boýunça-da “Billboard” heýkeljiklerine laýyk görüldi. Tanymal aýdymçy Khalid hem dabaranyň köp baýrakly
aýdymçylaryndan boldy. Aýdym-saz sungatynyň R&B görnüşiniň
ussady hasaplanýan Khalid R&B ugruna degişli iň gowy aýdymçy, iň
gowy “tour, iň gowy erkek aýdymçy, iň
gowy albom, iň gowy aýdym baýraklary bilen sylaglandy. Ýylyň parlak
ýyldyzlaryndan Billie Eillish bolsa,
iň gowy täze aýdymçy, iň gowy zenan aýdymçy ýaly esasy sylaglara mynasyp
görüldi. Onuň “When
We All Fall Asleep, Where Do We Go?” atly albomy-da “Billboard 200 Album” baýragynyň ýeňijisi boldy.
Ýaş aýdymçy Lil Nas X-iň Billi Reý Saýrus bilen bilelikde ýerine ýetiren “Old Town Road” atly aýdymy “Hot 100 Song”, iň köp satylan aýdym, iň köp
ýaýlyma goýberilen aýdym hem-de iň gowy rep aýdymy ýaly ugurlarda ýeňiş gazandy. Şeýle-de Lizzo, Jonas Brothers, BTS, Pink, Summer Walker, Luke Combs, Maren Morris, Elton Jon, Kanye West, Dan+Shay, Tool, Cardi B ýaly aýdymçydy toparlar hem beýleki
dürli ugurlarda Billboard
baýraklaryna
mynasyp boldy.
Ilkinji gezek 1990-njy ýylda berlen “Billboard” baýraklary bu ýyl 27-nji sapar gowşuryldy.