Portugaliýanyň Super Kubogy duşuşygynda-da çempion “Sporting” topary bilen “Porto” duşuşdy. 7 goluň geçirilen duşuşygynda “Porto” topary garşydaşynyň 3-0 öňe saýlanandygyna garamazdan, 4-3 hasabynda ýeňşini baýram etdi. “Sporting” topary ilkinji 25 minut dolmanka, Gonsalo (6, 9) we Kuandanyň (24) gollary bilen 3-0 öňe saýlandy. 28-nji minutda “Porto” topary Galenonyň goly bilen geçirden 3 golunyň biriniň öwezini doldy.
2-nji ýarymda 64-nji minutda Niko Gonzales aratapawudy 1 gola düşürse, Galen 66-njy minutda hasaby deňledi. Duşuşygyň esasy wagty 3-3 hasabynda deňlikde tamamlanyp, goşmaça wagtda, has takygy, 101-nji minutda Iwan Jaime Porto toparyna ýeňiş getiren oýunçy boldy. 4-3 hasabynda ýeňiş gazanan Porto 24-nji gezek ýurduň Super Kubogyny gazanmagy başardy.