Açyk deňizlerde yzygiderli öwüsýän ýel suwüsti ýel turbinalary arkaly durnukly energiýany almaga mümkinçilik berýär. Şeýle bolansoň, kenardan uzakda ýerleşýän ýel beketleriniň dürli görnüşleri işlenip taýýarlanýar.Fransýanyň “Eolink” kompaniýasy adatdakydan 30 göterim az material we çykdajy talap edýän piramida şekilli turbinany synagdan geçirýär. Ýel turbinalarynyň perleriň gury ýerlerdäkiler üçin niýetlenen görnüşi (fan-on-a-stick) deňizde oturdylanda o diýen gowy netije bermeýär. Şeýle hem ýalpak bolmadyk deňizlerde Ýel turbinasynyň suwuň ýüzünde gurulmagy zerurlygy ýüze çykýar.
Fransuz kompaniýasynyň bu turbinasy deňziň çuň ýerlerinde suwuň ýüzünde oturtmaga mümkinçilik berýär.Bu turbinanyň täjirçilik maksatly önümçiligine başlanmagyna garaşylýar.
Häzirki wagtda merkezi edarasy ABŞ-nyň Massaçussets ştatynyň Boston şäherinde ýerleşýän “T-Omega” şereketi hem tolkunlaryň täsirini azaldýan suwüsti ýel turbinalaryň dizaýnyny işläp taýýarlaýandygyny mälim edipdi. Bu kompaniýa täze harydynyň önümçiligi üçin hyzmatdaşlar gözleýär.
Maýagözel Bekjanowa, Türkmenistanyň inžener-tehniki we ulag kommunikasiýalary institutynyň mugallymy.