Sankt Petergburgda Türkmenistan üçin gämiler gurlar.Bu barada demirgazyk paýtagtyň häkimi Aleksandr Beglow Türkmenistanyň garaşsyzlygynyň 30 ýyllygy bilen bagly Aşgabada sapary barada aýtdy diýip Sankt Peterburg telekanalynyň saýtynda habar berilýär.
“Peterburgly gämi gurujylar Türkmenistana dürli materallardan gämiler gurar. Biz türkmen tarapy bilen hyzmatdaşlygymyzy birleşdirilen gämi korporasiýalar arkaly dowam etdirmekçi” diýip emeldar aýdýar.
“Birleşdirilen gämi gurluşygy korporasiýalar” paýdarlar jemgyýeti bilen “Balkan” türkmen zawodynyň arasynda hyzmatdaşlyk barasynda jarnama 2020-njy ýylyň awgustynda gol goýupdy.
Şeýlede Türkmenistan Tatarystantň “Ak Bars”gämi gurujy korporasiýasy bilen hyzmatdaşlyk edýär.
Ol türkmen tarapy üçin tiz hereket edýän “Rowaç”, “Rahat” gämilerini gurupdy.
2018-nji ýylda Türkmenbaşy, öňki Krasnowodsk şäherinde açylan “Balkan” zawodynda henize çenli ýekejede gämi gurulmady.
Owal beren maglumatlarymyza görä, Aşgabatda metro gurmagy göz öňünde tutýarlar. Şol sebäpli, rus toparynyň resmi sapary wagtynda türkmen tarapy Peterburgly hünärmenleriň maslahatlaryny soradylar.
The post Peterburg Türkmenistan üçin birleşdirilen materiallardan gämiler gurar first appeared on Türkmenistanyň Hronikasy.