Alymlar Perunyň soňky 50 ýylda buzluk meýdanlarynyň ýaryndan gowragynyň ýok bolandygyny anykladylar. Ýurduň Milli buzluk we dag ekoulgamlary barlaglary institutynyň (Inaigem) hünärmenleri ýurtdaky 175 buzlugyň 2016-2020-nji ýyllar aralygynda klimatyň üýtgemegi zerarly ýok bolandygyny mälim etdi.
Peruda 1050 inedördül kilometrlik buzluk bar.Bu buzluklaryň meýdany 1962-nji ýyldan bäri 56 göterim azalypdyr.Institutyň buzluk bilimi boýunça hünärmeni Maýra Mehia ýurtdaky buzluk meýdanlaryň birnäçesiniň erändigini belledi.
Mehia 1962-nji ýyldan bäri Çila dagynda Amazonka derýasyna guýýan buzluklaryň 99 göteriminiň ýok bolandygyny belleýär. Institutyň direktory Jesus Gomes temperaturanyň artmagynyň, esasan hem, tropik sebitlerde buzluklaryň eremegindäki esasy sebäpdigini aýtdy.