Ýurduň Puno sebitinde ýollarda barrikadalar goýan we teker ýakan demonstrantlar howpsuzlyk güýçleri bilen çaknyşdy.
Başdan geçirilen wakalarda 10 esger we 16 demonstrant ýaralandy. Köp sanda adam göz tussaglygyna alyndy.
Polisiýa işgärleri özlerine garşy molotow kokteýlini we daş zyňan demonstrantlara garşy gözüňi ýaşardýan gaz we suw ulanyp garşylyk görkezdi.
Ülkäniň paýtagty Lima şäherinde hem kärdeşler arkalaşygynyň wekilleri, talyplar we ýerli ilat bilen polisiýa işgärleriň arasynda dartgynly pursatlar başdan geçirildi.
Žuli şäherinde hem polisiýa işgärleri bilen çaknyşan demonstrantlar bir polisiýa merkezini ýakdylar.
Perunyň metbugatyna görä 2022-nji ýylyň 11-nji dekabryndan bäri dowam edýän protestlerde ýogalanlaryň sany 64 adama, ýaralananlaryň sany bolsa 1800 adama ýetdi.
Demonstrantlar ýurduň Prezidenti Dina Boluarteniň wezipesinden çekilmegini, Kongresiň ýapylmagyny we möhletinden irki saýlawlaryň geçirilmegini talap edýär.
Peruda protestler ozalky Prezident Pedro Kastillonyň 2022-nji ýylyň 7-nji dekabrynda Kongres tarapyndan wezipesinden çetleşdirilmeginden soň başlapdy.