Şu gün (şenbe), 1401-nji ýylyň 10-njy Ordibeheşti, Portugaliýaly kolonialistleriň 1622-nji ýylda Eýranyň günorta suwlaryndan kowulmagynyň ýyl dönümi, Pars aýlagynyň Milli güni diýlip atlandyryldy.
Pars aýlagy, möhüm deňiz ýoly hökmünde hemişe görnükli syýasy pozisiýa eýeledi we häzirki wagtda dünýäniň iň möhüm halkara suw ýoly hökmünde ykrar edilýär.
Pars aýlagy gündogar bilen günbataryň arasynda haryt alyşmak we söwda alyş-çalyş derwezesi hökmünde sebit we halkara güýçleriň arasyndaky bäsdeşlik we dawa-jenjeliň meýdançasy bolup gelýändir.
Soňky ýyllarda Pars aýlagynyň boýundaky käbir arap ýurtlary Günbatar ezijileriň öjükdirmekleri bilen Pars aýlagynyň adyny üýtgetmäge synanyşdylar; Ýöne bu, Pars aýlagynyň ady gadymy döwürlerden bäri şol bir at bolup durýar.
Pars aýlagy diňe bir Günbatar Aziýada we Aziýa yklymynda däl, eýsem dünýäde-de aýratyn ähmiýete eýedir we birnäçe müň ýyl bäri Eýranyň siwilizasiýasy bilen baglanyşdyrylýar, şonuň üçin bu suw ýoly syýasy, harby we ykdysady güýçler, geologlar, arheologlar, taryhçylar we geograflar tarapyndan hemişe üns merkezindedir.
Bu suw zolagy Eýranyň günorta we günorta-günbatarynda we Huzestan, Buşer we Eýranyň Hormozgan welaýatynyň bir böleginde ýerleşýär we kenar ýakasyndaky ýedi ýurt, BAE, Bahreýn, Yrak, Saud Arabystany, Oman, Katar we Kuweýt bilen serhetleri paýlaşýar.